«ԱյբՊՐՈ»-ն գալիս է Գյումրի։

«Կերոն» զարգացման հիմնադրամը և «Այբ» կրթական հիմնադրամը 2026–2027 ուսումնական տարում «ԱյբՊՐՈ» նախագծային ուսումնառության ծրագիրն իրականացնում են Գյումրիում՝ ՀՀ ԿԳՄՍ նախարարության հաստատմամբ և աջակցությամբ։

Գյումրիի ավագ դասարանների աշակերտները մեկ ուսումնական տարվա ընթացքում թիմերով կուսումնասիրեն քաղաքի համար կարևոր խնդիրներ, կաշխատեն դրանց շուրջ և կմշակեն գործնական ու իրագործելի լուծումներ։